ضياع الحرف

موضوع: ضياع الحرف الإثنين ديسمبر 22, 2008 11:14 pm

وش اسوي في ضياع الحرف بسكوت الكلام
دامك اللي أكتفيتي عن كلامكـ تسكتين

ودام قلبي من دموعكـ أنكسر وأصبح حطام
ما بقالي يا يتيمه شي ثاني تكسرين

تسأليني كيف حالي؟ حالي مثلك بالتمام
هذا حال الوقت.. دايم كل حزينة مع حزين

الحزن في كل بساطة..جرح مافيه التئام
والفرح وشلون يشرق..لا نويتي تفرحين

عادي نبكي بالحزن..ماهي غريبة أو حرام
الغريب أحيان أضحك بالحزن أو تضحكين

أقسى أحزان البشر لا جأ مع الدمع ابتسام
والبليه شرها ما يضحكـ الحزن الدفين

تذكرين..الفارس اللي كل ليلة ما ينام
ولا صح..أنتي نسيتي ..كيف أصلا تذكرين

ماذكرته ..منهو هذا الفارس بجنح الظلام؟
هذي كلماتكـ يا عمري يوم كنتي تسألين

هذا فارس كان يسمع أن بالدنيا غرآآآآم
قال .. يالله نبغى نفهم وش شعور العاشقين

ذاق نار(ن) بالهوى مافيها برد ولا سلام
أحرقت قلبه على جمر المحبة والحنين

ذاق ضربة سيف خلت في شعورهـ إنقسام
صار عشقك باليسار..وصار حبك باليمين

كل أمانيه وهمومه..لوثواني إهتمام
ما طلب إلا ثواني ما طلب منكـ سنين

هذا فارس خاض حربه كلها دون انهزام
والبلا قدام عينكـ انهزم من نظرتين

هذا فارس حكمته(ان اللي يعشق ما يضام)
حكمته(يادنيا شوفي..ماهو أنتي تحكمين)

هاهـ ..قولي..تذكرينه؟ولا مو قد المقام؟
أدري انكـ تذكرينه لكن أنتي تنكرين

قالت..اسمع ما حصل بيني وبينك إنسجام
أبتسمت ..وقلت طيب .ليش طاحت دمعتين ؟

قالت أنفاسي يا غالي صار فيها انكتام
كنها مظلوم تايه خلف قضبانه سجين

قلت..طيب ليش قولي صارحيني بالهيام
قولي كل اللي بقلبكـ . يمكن أفهم وش تبين

غابت الكلمات عنها كنها بحال أنصدااام
تشبه الطفل اللي ما يقدر يركب كلمتين

سألت دموع اليتيمة كنها وبل الغمام
ولا قدرت الا أقول . الله يعين . الله يعين

بعدها .. قالت أمانة .. خل ماضينا وسام
فوق صدرك .. قلت حاضر .. غيرها وش تطلبين

قالت .. اطلبكـ السلامة خل دربكـ للأمام
واخر الكلمات كانت . يا غلاتي تسلمين

بعدها .. ودعتها والحب هو مسكـ الختام
رحت مدري وين رايح . حتى دربي مدري وين

رحت تايه في متاهات(ن) بها القلب استهام
أمشي خطوهـ .. بعدها أرجع وراها خطوتين

أستقام الدرب لكن . ليش قلبي ما أستقام؟
يبقى مايل غصب عني صوب ماضينا الثمين

المشاعر يا يتيمه ما تمر مثل الكرام
أوعدكـ يبقى شعوري بالحنايا مستكين

بالنهايه يا يتيمه .. ألزم الصمت التزام
يالي دايم عن كلامكـ في سكوتكـ تكتفين ,,

منقول

موضوع: رد: ضياع الحرف السبت أغسطس 01, 2009 11:46 pm

ألف شكر مشتاقه على الموضوع الروعه